A Chairde. Níl griangraifeanna curtha agam ar an suíomh le tamaill ós rud é go bhfuil gach rud á chuir ar ClassDojo agam. Mar is eol daoibh, tá Rang 6 ar an gCeathrú Rua faoi láthair agus chaith mé deireadh seachtaine leo. Bhí gach duine sona sásta agus cuma an-shláintiúil orthu. Oireann an aer agus an siúil go mór dóibh! Bhí turas iontach againn go hInis Oirr agus beidh cuimhneacháin go deo acu faoin tréimhse seo. Slán go fóill. Áine
MarathonKids
Bhí maidin iontach againn san NSC maidin Domhnach. Rith R6 an míle deirneach mar chuid don chlár 8 seachtain a bhí acu. Séard a bhí i gceist le seo ná maratón a rith thar 8 seachtain, ach i ndáire rith an rang seo 47.775 míle!! Éacht do-chreidthe déanta acu. Sin beagnach 2 maratóin. Tá súil agam go leanfaidh na páistí ar aghaidh ag rith mar is rud iontach é don chorp agus don intinn. Tá sé i gceist againn leanúint leis an rith 2 uair sa tseachtain le cead na haimsire. Míle buíochas ag dul do Máistir Antóin a bhí chomh tacúil faoi, Múinteoir Laura a rith linn gach lá agus na tuismitheoirí a bhí chomh tacúil agus dearfach faoi freisin. 

Sam & Ciarán!!
Bhí an-áthas orainn fáilte (arís!!) a chuir roimh iar-scoláire na scoile Ciarán Mac Giolla Choinnigh agus corn Sam Mhic Uidhir. Bhí dath gorm le feiceáil i ngach áit agus bhronn Ciarán obair bhaile saor ar na páistí. Buíochas ag dul do Niall Cooper agus Paul Hudson (Traenálaí peile na scoile) a bhí in éineacht le Ciarán. 

Scoil Oilibhéir Abú!!
Bhí bua iontach ag na cailíní i bPáirc an Chrócaigh i gcoinne Gaelscoil Brian Boroimhe. Bhuadar 3-4 in aghaidh 2-3. Comhghairdeas ollmhór don fhoireann agus na múinteoirí a chuidigh leo. Múinteoir Colleen & Doireann a rinne iad a ullmhú agus na múinteoirí eile a chlúdaigh am lóin dóibh. Ní neart go cur le chéile!!

Comórtas Peile Scoil Chaitríona
Bhí lá iontach ag R6 inné i Scoil Chaitríona. Bhailigh 8 nGaelscoil le chéile chun páirt a ghlacadh i gcomórtas peile buachaillí agus cailíní. D'imir gach éinne go hiontach agus bhaineadar an-taitneamh as an lá. Moladh mór ag dul go Scoil Chaitríona as an eagrúcháin iontach a rinneadar agus bhí iarscoláirí Scoil Oilibhéir thar barr ag cabhrú linn. Bhí bua iontach ag na cailíní ach bhí ar na buachaillí an corn a thabhairt do Scoil Neasáin i mbliana. Bhíos thar a bheith bródúil as an rang agus a cuid Gaeilge. Cheapfá go mbeidís ro-thuirseach tar éis an peil ar fad, ach bhí go leor fuinneamh acu ar an mbus ag filleadh abhaile chun neart amhráin a chanadh!!

MarathonKids
Tá muid réidh ár maratón a rith!! Beidh R6 ag rith 4 uair sa tseachtain ar feadh 8 seachtaine agus beidh an míle deirneach á rith againn sa National Sports Campus. Tar éis é seo ar fad, beidh níos mó ná maratón déanta ag na daltaí agus beidh neart foghlamtha acu maidir le haire a thabhairt don chorp .

Lá Spóirt Coláiste Mhuire
Bhí an-lá againn igColáiste Mhuire le déanaí. Tugadh cuireadh dúinn dul ann agus neart spóirtisí éagsúla a thriall.

                        Fáilte go Rang a Sé
Táimid ag súil le bliain iontach.  Beimid gnóthach le han-chuid rudaí agus tá súil againn go gcabhróidh sibh linn gach sprioc a bhaint amach idir seo agus an samhradh seo chugainn.  Amach anseo ar  leathanach Rang 6, feicfidh sibh samplaí den obair atá á dhéanamh againn. Féach ar na cnaipí thíos chun tuilleadh eolais a fháil ar obair an ranga don bhliain seo.